Un pictograma é un deseño figurativo ou simbólico que reproduce o contido dunha mensaxe sen utilizar formas linguísticas, é dicir, que o noso cerebro interpreta sen necesidade de saber ler e pode ser entendido o seu significado por calqueira persoa, independentemente da súa cultura.

No deseño debe evitarse o uso de cores, os detalles superfluos e as connotacións, trasmitindo unha mensaxe clara, concisa e obxectiva. Ademais, deben de poder interpretarse con tan só dúas olladas. Hai dous tipos de pictogramas: os xestuais, que representan xestos humanos e os lineares feitos a base de formas xeométricas.

Dende hai moitos séculos o ser humano exprésase mediante estes símbolos, pero ultimamente a súa importancia vai en aumento debido aos iconos que compren unha función moi parecida, pero son cibernéticos.

Uns pictogramas moi coñecidos mundialmente son os das Olimpiadas, onde se lle asigna a cada deporte un deseño concreto.