Candida Höfer é unha artista xermana procedente de Colonia e que hoxe en día é unha das máis importantes fotógrafas da escola de Düsseldorf.

Actualmente ten unha exposición itinerante da súa obra no museo MARCO. Esta obra está formada por fotografías de grandes espazos pechados dos que intenta reflictir a exuberancia e a grandeza. Xoga coa luz que pode penetrar (ou non) nestes espazos e representa a construción e arquitectura do salón, biblioteca, etc. a partir dun só elemento polo que hai un ritmo que se repite. Con estes dous elementos consegue captar os grandes espazos. Por exemplo, nesta primeira fotografía repítense os asentos do teatro, despois os pisos, que se dividen tamén horizontalmente; máis arriba hai outra división coas columnas, a serie de focos, etc.